A piques d'entamar la selmana más importante pa les Lletres Asturianes, la Lliteratura Infantil y Xuvenil n'asturianu calienta motores cola presentación de dos de les novedaes editoriales más esperaes: "L'Horru", espublizáu pola editorial Trabe, y "Deva y el pitín", de Pintar-Pintar Comunicación.
La obra del escritor José Luis Fernández "L'Horru" va ser presentada esti mesmu xueves 29 d'abril a les 19.30 hores na Llibrería Trabe (C/Padre Buenaventura Paredes) d'Uviéu. Na presentación tarán presentes, amás del autor, l'ilustrador Francisco Pimiango, responsable de los dibuxos. El llibru, presentáu dientro de la colección d'álbunes ilustraos qu'entamara Trabe col títulu "La estrellina que cayó a la mar" fala de valores como la convivencia o la tolerancia.
Otra manera un día dempués, el vienres 30 d'abril a les 20.00 hores, la Casa de Cultura de L.luarca acoyerá la presentación de "Deva y el pitín", nueva obra de la escritora valdesana MªEsther García López. L'álbum va acompañáu polos dibuxos de Tina García, ilustradora que, lo mesmo que García López, tien collaborao cola editorial Pintar-Pintar n'obres anteriores.
Adxuntu | Tamañu |
---|---|
![]() | 187.14 KB |