UNA súmase a la 'Declaración contra la incineradora'

Unidá Nacionalista Asturiana sumóse a la 'Declaración contra la incineración y a favor d'un pautu sociopolíticu pa la xestión sostenible de los residuos d'aniciu nel llar'.

El voceru de medioambiente d'UNA, Tino Fernández, considera básico concienciar a la sociedá asturiana de los riesgos inasumibles de la incineración. Pa la organización, ye necesario informar a la sociedá asturiana "tanto de los riesgos remanecíos de la incineración como de les alternatives esistentes y viables a la macroincenadora de Serín".

Pa Tino Fernández, l'aprobación per parte de Coxersa de la construcción de la macroincineradora “ye una pésima noticia p’Asturies, porque los riesgos de la incineración son inasumibles” y porque l'alderique democráticu rellumó pola so ausencia porque “l'aprobación fíxose ensin un estudiu seriu d'alternatives y ensin informar d'elles a la ciudadanía y a traviés d'un organismu con una escasa lexitimación democrática como ye Coxersa”.