Convocatories

La estaya de mocedá de la Xunta pola Defensa de la Llingua, Xunta Moza, va sortear un paxu de productos asturianos. El sortéu va ser e 6 de xineru de 2010 colos cuatro ultimos númberos del sortéu del neñu.

La bandina veigueña Os Folkgazais presenta'l sábadu 2 de xineru, a les 20 hores, nel Auditoriu de Tapia'l so primer discu: "Cama de Folkga".
 
L'apuesta músico-estética qu'el conxuntu Os Folkgazais fai, ta inspirada nes primeres agrupaciones (orquestes, conxuntos, etc) que dende primeros de los años 40 emtamen a surdir nel occidente asturianu.
 

El grupu asturianu ska-fusión Falanoncaduca va ufrir tres conciertos n’homenaxe a Carlos “Gaites”, saxu del grupu emigráu a Polonia y que “tornó a casa per navidá”. Esta minixira va llevalos al chigre L'Habana de Mieres el 26 d'avientu a les 20.00. Va ser la única oportunidá de ver en direutu al grupu hasta’l branu de 2010, yá que’l restu l’añu van tar componiendo’l so primer discu.
 

El miércoles 23 d'avientu, a les 19.00 hores nel local de Solpedaz Pachakuti (C/Manuel Llaneza, 42), va presentase'l llibru "La estratexa del Imperiu. Too pal capital tresnacional" d'Héctor Mondragón, llibru editáu pola Axencia Asturiana de Cooperación al Desarrollu del Gobiernu d'Asturies. Na presentación participaran Firmu García Cosío, traductor, Javier Orozco, sindicalista colombianu, Rafael Palacios, Direutor de l'Axencia Asturiana de Cooperación al Desarrollu. Na mesma, habrá una videoconferencia col autor dende Brasil.