Convocatories

El programa de la RPA Rockmería (dirixíu y presentáu por Xune Elipe), que s’emite na nueche del xueves al vienres n’horariu de 00:00 a 1:00 hores, va tener esta selmana como convidáu especial al cantante vascu Ruper Ordorika.

El miércoles 20 d’ochobre a les 18:30 h. la Casona del Bravial de Blimea va cuntar cola presencia de la periodista Beatriz R. Viado, qu’ufiertará una charla que lleva por titulu “¿Ú tán les muyeres? Ausencies y presencies femenines nos medios de comunicación”. Nella, pente medies del análisis de la prensa diaria,  va falase sobre’l tratu que se-yos da a les muyeres nos diferentes medios de comunicación. L’actu va tar presentáu pola conceyala de cultura del Ayuntamientu de Samartín del Rei Aurelio, Gema Suárez Torre.
   

El 19, 20, 21 y 25 d’ochobre y del 8 al 11 de payares en Xixón.

L’oxetivu ye facilitar a les asociaciones xuveniles de Xixón los conocimientos necesarios pa meyorar les sos competencies dixitales en ferramientes de posicionamientu, visibilidá, presencia y comunicación n’Internet.

Tola info en www.cmx.es
 

“Samartín del Pinchu”, la cita gastronómica del fin de selmana
Dende´l vienres 15 al domingu 17 varios hosteleros de Samartín del Rei Aurelio ufierten pinchos y tapes al preciu únicu de 1,5 €