Convocatories

Proyeición d'esti documental dirixíu por Xuan Lluis Ruiz nel 2002: Un retratu de les cuenques mineres. Fala sobre la identidá d’estes zones y sobre un mundu perdíu. Sigue el mesmu camín qu’esi mundu. Entama y fina cuando lo fai ésti. Nun ye una visión necesariamente pesimista, yá que fala d’avanzar. Ye’l reflexu d’una etapa qu’acabó marcada por una ideoloxía y un compromiso perfuerte por parte los sos protagonistes; una llucha sindical y el trabayu por llograr con un determináu coleutivu el desarrollu d’unes idees de solidaridá pa llegar a consiguir un compromisu común.

Conferencia entamada pola Fundación Jóvenes y Desarrollo nel marcu del proyeutu 'Abre la ventana al mundo: derechos humanos, género y comercio justo 2011', cofinanciado pola Axencia Asturiana de Cooperación Internacional, na que va participar Joan Melé, subdireutor de Triodos Bank. Va presentar l'actu, Manuel de Castro, presidente de la Fundación Jóvenes y Desarrollo.
 
A les 19.30 hores na sala de cámara del Auditoriu d'Uviéu.

-A les 20 hores: 'El urbanismo de Bilbao: de la posguerra al Guggenheim', a cargu de Luis Bilbao Larrondo. Entama'l grupu d'urbanismu del movimientu 15-M.
 
-A les 21 hores: ciclu 'Retrospeutiva asturiana', cola proyeición de 'Adiós al valle del hierro' (Marisol Soto y Manuel Arranz, 1994) y 'El polvorín asturiano' (Agencia Capa, 1997). Actividá encuadrada en CineMadreña. Alderique y pinchéu.
 

Elinor Burkett, direutora, escritora y productora ganadora d'un Oscar, retrata la realidá de Zimbabue, un país fundíu pol SIDA, la malnutrición, los prexuicios sociales y la falta d'atención médica, al traviés de los güeyos d'Ithemba –pallabra que tien el significáu d'esperanza–, un conxuntu musical formáu por ocho mozos discapacitaos qu'afronten la situación caótica con humor y valentía.