Convocatories

Na xornada previa a la celebración del Día Internacional de la Muyer Trabayadora, La Semiente entama xunto cola Fundación Andreu Nin Asturies la proyeición d'esti documental dirixíu por Jordi Gordon onde s'aborda la llucha obrera feminista del Partido Obrero de Unificación Marxista (POUM) al traviés de dos de les sos militantes, María Teresa Carbonell y Teresa Rebull.
 

'Empleos verdes: oportunidad para crear trabajo y empleo decente', a cargu de Joaquín Nieto, direutor estatal de la Organización Internacional del Trabajo (OIT). Tamién van participar Tomás Emilio Díaz, decanu de la Facultá de Bioloxía; José Alba Alonso, profesor d'Economía Aplicada; José Manuel Pérez, ex xerente de Valnalón; Lidia Fanjul, cofundadora de la consultora Gaia y Sofía; Miguel Morán, presidente de RhoGroups; Jesús Alonso, secretariu de Salú Llaboral y Mediu Ambiente de CC OO; y Esther Alonso, secretaria de Salú Llaboral, Cambiu Climáticu y Mediu Ambiente d'UXT.
 

El Gobierno asturianu tomó dalgunes decisiones en rellación col Programa d'Acoyida a Sindicalistes y Defensores de Derechos Humanos Colombianos/es en Riesgu de ser Asesinaos/es. A les 18 hores, na sede de Soldepaz Pachakuti, va tratase esti tema. Tamién van intervenir Diego Martínez y Alfonso Castillo de CPDH y ANDAS, de xira pel Estáu.
 

Trendelenburg ye una plataforma viva dedicada a la difusión pública de proyeutos culturales enmarcaos nel arte postdixital, plantegaos como un equilibriu ente la propuesta sonora y visual d'alto nivel. L'eventu principal ye un alcuentru añal de baldre que se va realizar los díes 1, 2 y 3 de marzu n'espacios públicos de Xixón. Una seleición de grandes artistes asturianos y internacionales van contestualizar coles sos obres espacios dedicaos de manera habitual a otres actividaes.