RTPA ufre una programación especial esta fin de selmana pola Selmana de les Lletres

Esta fin de selmana la TPA va ufrir una programación especial por mor de la Selmana de les Lletres. Asina, esta madrugada, a les 00.45 hores va emitir 'Cuaderno de Carcéu' y, darréu, 'Diez autores, diez llugares'. Yá pela mañana, a les 7.30 hores, va poder vese 'Mirasturies: el pasáu recién'. La programación n'asturianu va continuar a les 17.45 hores con 'Cinco poemes' y la redifusión de la película 'El rostru impenetrable (One-eyed Jacks)' a les 18.15 hores.

 

El domingu'l nuesu idioma va protagonizar la mañana con 'Mirasturias: el pasáu recién' (8.30 hores), un especial de teatru (10.15 hores), el musical de Nacho Fonseca 'Nora, Mauro y los suaños' (11 hores) y Pueblos (12.05 hores). Pela nueche'l turnu va ser pa 'Camín' (21.30 hores) y 'Sones' (22 hores).

 

Mentes, na RPA va estrenase'l sábadu a les 22 hores el programa de radioteatru 'El gran teatru del mundu' de Dolfo Camilo Díaz.