El PP gana les eleiciones, anque pierde 8 escaños respeuto al 2009

El Partido Popular (PP) foi la formación más votada de les Europees con un 26,05 por cientu del total de votos, col 98,79 por cientu de los votos escrutaos, pa sumar 16 escaños. El PSOE lleva 14 y Podemos, con 5, ye la gran sorpresa.

Los socialistes lleven un 23,02 por cientu, pol 7,95 por cientu de la organización liderada por Pablo Iglesias, que se convierte na cuarta fuercia por detrás de La Izquierda Plural, que suma 6 eurodiputaos (9,99 por cientu). Hai que destacar que’l partíu d’Elena Valenciano perdió 9 escaños con respeuto al 2009, mentes qu’Izquierda Xunida medra en 4.

 

Los Pueblos Deciden, federación de partíos de la que forma parte Andecha Astur, suma l’escañu esperáu al rexistar un 2,09 por cientu de los votos. El restu de formaciones con representación son UPyD, 4 escaños (6,48 por cientu); Coalición por Europa, 3 (5,44 por cientu); L’Esquerra pel Dret a Decidir, 2 (4,05 por cientu); Ciudadanos-Partidos de la Ciudadanía, 2 (3,16 por cientu); y Primavera Europa, 1 (1,91 por cientu).