Promueven un bloque soberanista d'izquierdes na manifestación del 1 de mayu de Xixón

|
 
La manifestación pol Día del Trabayador convocada pola Corriente Sindical d'Izquierda (CSI), la Confederación General del Trabajo (CGT) y el Sindicatu Unitariu Autónomu de los Trabayadores de la Enseñanza d'Asturies (SUATEA) va contar con un bloque soberanista que promueve l'Espaciu La Llegra. Asina, tres un baberu col lema '#LluchandoPolaSoberania' preténdese axuntar al tol espectru políticu del soberanísmu d'izquierda, yá sían persones de forma individual, formaciones polítiques o coleutivos. De momento, Darréu, Conceyu Abiertu y Xunta Estudiantil Asturiana anunciaron el so sofitu a esta convocatoria que tien orixe nun conceyu abiertu celebráu el llunes nel CSOA La Madreña.
 
La intención de los promotores ye quedar a les 12.15 hores na zona de L'Humedal onde tán los cubos lluminosos pa dir en comuña a la salida de la manifestación, prevista pa les 12.30 hores. 
 
 
Contador Estadistiques