Zapatero adelanta les eleiciones al 20 de payares “pa proyeutar confianza política y económica”

José Luis Rodríguez Zapatero anunció esti vienres la so decisión d’adelantar les eleiciones xenerales al 20 de payeres. Según aseguró na so comparecencia en La Moncloa, failo pa “proyeutar confianza política y económica”.
 
El xefe del Executivu cree “conveniente” que'l 1 de xineru próximu, el Gobiernu que saliere de les urnes ya tea al frente de la responsabilidá del exerciciu económicu. Amás, apuntó que dando a conocer la fecha de les eleiciones a últimos de xunetu, antes de que fuera “xurídicamente necesario”, el debate públicu ya nun va xirar sobre la posibilidá del adelantu eleutoral, sinón sobre les propuestes de les distintes fuercies polítiques.
 
El presidente del Gobiernu estatal aseguró que la fecha pa la celebración de les eleiciones “taba pensada y madurada dende hai tiempu” y que taba condicionada a l’aprobación y reforma de lleis importantes. Sobre’l so futuru, Zapatero señaló que nun va presentase como diputáu, y confirmó que nun va acudir, per segundu añu consecutivu, a la fiesta minera astur-lleonesa de Rodiezmo.