Y nel xuráu del premiu…

Ente los miembros del xuráu del Premiu Príncipe d'Asturies d'Investigación Científica y Técnica ta l'asturianu Rafel Puyol, rector de la Universidá Complutense y dende va unos meses, presidente de la subcomisión de Cultura y Humanidaes que refugó la creación de la llicenciatura d'asturianu argumentando que "primero habría que demostrar que l'asturianu ye un idioma". Puyol dixo ayeri que suponía que l'asuntu (de la llicenciatura d'asturianu) acabará volviendo al Conseyu d'Universidaes, prometiendo analizalo con seriedá y rigor y que trabayará para buscá-y una solución razonable.Vuelve asina a ponese d'actualidá el deesgraciáu episodiu del 19 de febreru, cuando'l Conseyu d'Universidaes echó p'atrás una llicenciatura que ye un clamor dende la universidá d'Uviéu. Nesta entrevista pal selmanariu Les Noticies, el profesor y académicu de la Llingua Ramón d'Andrés fala sobre l'actualidá alrodiu d'esta tema y diz claramente que "Nun hai que ceder énte la intromisión que supón la decisión del Conseyu d'Universidaes"