El XVIII Festival de Bandes de Gaites Villa de Candás enllena de música la población

Dende güei hasta'l domingu va desenvolvese en Carreño'l XVIII Festival de Bandes de Gaites de Candás que va contar cola participación de la Banda de Gaitas Os Blancos (Galicia), la Bagad Elven (Breizh), la Banda Gaites Villaviciosa-El Gaitero, la Banda Gaites Xácara y la Banda Gaites Candás. Como novedaes d'esti añu tán el I Concursu de Pareyes de Gaita y Tambor Villa de Candás y el I Concursu de Cuerpos de Percusión Villa de Candás, previstes pal domingu a les 18 y les 20.15 hores, de manera respeutiva, na plaza'l Bocata.

El platu fuerte del certame tien llugar el sábadu a les 23 hores coles actuaciones nel parque de Les Conserveres de toles formaciones participantes y de los escolinos de la Bandina de Candás, actu presentáu por Alain Fernández. Amás, ente les munches actividaes previstos nestos trés díes, destaca'l conciertu de Corquiéu d'esta nueche (00.30 hores) y de Rubén Alba Trío de mañana (01 hora) col parque del Bocata como sede.