XV Conciertu pola Oficialidá

Esti sábadu, a partir de les 20:00 hores, vuelve un conciertu que ya ye, por desgracia, un clásicu per estes feches. Ye'l Conciertu Pola Oficialidá que cada añu organicen la Xunta Pola Defensa de la Llingua Asturiana y la Xunta Moza, que con esta iniciativa quieren qu'esa nueche seya la música la protagonista d'una reivindicación llingüística que yá va pa munchu tiempu ensin reconocese.Esti añu va ser na Felguera, nuna carpa instalada nel Institutu Politécnicu, y habrá actuaciones de palos bien diferentes. Entamarán los candasinos Guerku, grupu de rock que sigue la llinia marcada por Dixebra, que sedrá precisamente'l grupu que suba depués al escenariu. Los d'Avilés vienen de grabar el so próximu discu, del que falaremos pa la selmana qu'entra. Tres d'estos dos grupos de rock, el conciertu garrará un estilu más folk, y el meyor grupu pa facer esi cambéu son Skanda, siguíos por La Col.la Propinde, N'Arba y Corquiéu. Amás d'estos grupos tamién actuarán la Banda de Gaites Llariegu, la cantante de tonada Anabel Santiago y el grupu de baille Los Campones.Les entraes véndense yá en chigres y otros establecimientos de Xixón, Uviéu, Avilés, Mieres, Siero, Cangas del Narcea, Candás, Llugones, La Pola L.lena, Grao y otros conceyos al preciu de 2 € (na puerta costaran 3€) y tan organizaos autocares d'ida y vuelta al conciertu dende los sitios nos qu'hai puntos de venta d'entraes. Si quereis más información podéis visitar la web de la xunta.