Xusticia desanicia los escudos franquistes del TSXA

Esti llunes 12 de febreru, trabayadores d'una empresa particular contrataos pol Principáu d'Asturies procedieron a entamar la retirada de los símbolos franquistes que presidíen el Tribunal Superior de Xusticia d'Asturies, que tenía allugaes nes vidrieres de les sos puertes d'entrada dos escudos franquistes d'España coles sos correspondientes águiles imperiales y cola divisa "una, grande y llibre". L'escudu asturianu va ocupar d'agora en p'alantre'l llugar de los símbolos de la dictadura.

El desaniciu d'estos símbolos de la sede del TSXA nel históricu Palaciu de Valdecarzana foi la primer decisión de la Conseyería de Xusticia no tocante a retirada de símbolos franquistes n'edificios de Xusticia dempués de facese efectiva'l pasáu 1 d'ochobre, la tresferencia de la competencia de Xusticia al gobiernu asturianu.