Xuristes pol Asturianu píde-y al Conseyeru d’Educación que cumpla cola escolarización del asturianu

L'asociación Xuristes pol Asturianu unvió una carta al Conseyeru d'Educación José Luis Iglesias Riopedre na que, énte l'alxudicación a una empresa privada del la campaña d'espardimientu de la Matriculación d´escolinos n´asturianu y gallego- asturianu nos centros d´enseñanza oficiales d´Asturies, encamiéntá-y, como responsable cimeru de la política educativa n´Asturies "que ponga'l máximu procuru pa que la mentada Campaña seya efeutiva y s'esparda lleal y bonalmente en tolos centros educativos".

Xuristes pol asturianu recuerda que "Esa Conseyería tien los medios afayadizos a la so disposición pa torgar -y sancionar, de pasu- sabotaxes vergoñosos, amás d´illegales, como los que asocedieron en delles escueles d´Asturies nos caberos años". Xuristes pol Asturianu asegura que'l Conseyeru tien "conocencia dafechu d'estos sucesos poles denuncies apurríes por pás y mas de rapacinos y rapacines, enraxonaos poles conductes foínes d´algunos responsables educativos amparaos pola mesma Alministración".

Xuristes pol asturianu pide "l'aplicación de la llegalidá vixente, asegurando la enseñanza de la llingua del país nes escueles y evitando tamién que les perres de la Facienda del Principáu, que son les de tolos asturianos y asturianes, se gasten sólo en campañes que son una tapadera al serviciu esclusivu de la propaganda del gobiernu".