Xurde Blanco defende la constitucionalidá de la "Llei d'Usu"

El lletráu Xurde Blanco yá tien preparaes les alegaciones al recursu col que'l xuez titular del xulgáu númberu 3 de lo Contencioso-Alministrativo d'Uviéu, Miguel Ángel Carbajo Domingo, plantea la posible inconstitucionalidá de dellos artículos de la Llei 1/98 d'Usu y Promoción del Asturianu, únicu encontu llegal qu'apauta dende 1998 les posibilidaes y derechos de los falantes d'asturianu. Nun documentu de más de 19 fueyes, Blanco afirma que'l recursu del xuez Carbajo nun cumple los requisitos precisos pa poder almitila a trámite y asegura que "los los preceptos que cuestiona son constitucionales dafechu".

El lletráu comprometíu cola defensa del asturianu, que vio como l'slministración-y refugaba una solicitú de permisu pa operase por redactala n'asturianu, ye imposible "adivinar qué norma constitucional prohíbe a una lley autonómica tener "vocación d'oficialidá".
Nel so escritu, Blanco Puente acude a la Carta Europea de les Llingües Rexonales o Minoritaries, que soscribe l'Estáu español y que la llei del asturianu "nun fai otro que desarrollar" afitando la constitucionalidá de la llei de 1998.