Xunta Moza llama güei a la fuelga nos IES

La Xunta Moza, estaya de mocedá de la Xunta pola Defensa de la Llingua Asturiana, tien convocáu pa güei un paru nos institutos de secundaria y bachilleratu d'Asturies. Xunta Moza esplica la fuelga, que se fai por segundu añu consecutivu como una "rempuesta a la situación de marxinalidá na que s'atopa la llingua asturiana nel sistema educativu y polos incumplimientos, por parte de la Conseyería d'Educación, sobre la ufierta de l'asignatura d'asturianu, que son especialmente graves y sistemáticos na educación secundaria y bachilleratu.".

El fechu de que l''asignatura d'asturianu apaeza como optativa y non como voluntaria como diz la llei, enfrentando'l conocimientu d'asturianu col d'otres asignatures y el que s'impónga un cupu mínimu de 8 estudiantes por cursu pa ufrir l'asignatura d'asturianu, lo que vulnera'l derechu individual a cursala, faciéndolu depender de la elección del restu los compañeros y compañeres" sedríen pa la Xunta Moza dos de les infracciones más graves quese dan, anque la organización remembra qu'amás d'ello "na práctica, na mayoría de los institutos nun se respeta'l cupu, y en munchos centros hai grupos d'hasta 15 estudiantes que pidieron cursar l'asignatura de llingua asturiana y a los que nun se-yos pon profesor, obligándolos a matriculase n'otres optatives".

La xornada de fuelga incluye una manifestación que ta convocada pa les 12 na Plaza d'España d'Uviéu énte la puerta de la Conseyería d'Educación. Fontes de Xunta Moza comentaron a Asturies.com que tan detectando centros onde la directiva y los mayestros tan prsionando a los alumnos a que nun secunden el paru.