Xunta Moza convoca’l segundu concursu lliterariu ‘Declara’l to amor pola llingua’

|

La segunda edición del ‘Declara’l to amor pola llingua’ yá ta en marcha. Les persones que quieran participar tienen hasta’l domingu pa presentar un testu, de non más de 160 caracteres, en prosa o en versu.
 
Esti concursu de Xunta Moza, estaya de mocedá de la Xunta pola Defensa de la Llingua Asturiana, ta vinculáu cola celebración del Día Internacional de la Llingua Materna’l 21 de febreru. Los participantes deben presentar una declaración d’amor pa l’asturianu na modalidá que prefieran enantes del domingu, a les 20 hores, nel buzón de La Casa Posafuelles (Cuesta la Vega 10, Uviéu) o na direición amorpolallingua@gmail.com.
 
L’añu pasáu participaron mediu centenar de persones nesti concursu que se llevó Javier Cayado Valdés. El so testu foi’l siguiente: “Crecisti camudando de viaxeros, respirada nos picos y na mina. Vivisti pelos mares y pel aire, gayaspera, a vegaes casi guardada. Morristi cuando nun te fale naide, antós nun te veremos enterrada”. El ganador d’esta edición, tamién por votación popular, va llevase un premiu únicu compuestu por material de Xunta Moza y de la Xunta pola Defensa de la Llingua Asturiana.

Contador Estadistiques