Xulio Arbesú va falar colos sos llectores en Villaviciosa

|
Cartelu alcuentru con llectores Villaviciosa Xulio Arbesú 'El valor del rei'

Sobre la novela 'El valor del rei'.

Los alcuentros col autor de los Talleres de Llectura n'Asturianu de Villaviciosa, qu'entama'l Serviciu de Normalización Llingüística 'Comarca de la Sidra', va tener como convidáu na so sesión próxima a Xulio Arbesú. L'escritor de L'Entregu va aldericar colos presentes sobre 'El valor del rei', obra que resultó merecedora del XXXVII Premiu Xosefa Xovellanos, correspondiente al añu 2016.

Trátase d'una novela ambientada nos tiempos de la monarquía asturiana con trés voces narratives: la d’Aurelio, el rei qu’afuxe; la d’Adosinda, una muyer coles idees mui clares y mui medievales; y la de Mauregato, el persiguidor. La sesión colos llectores va celebrase mañana, a les 19 hores, nel aula del segundu pisu del Centru Cultural Capistrano.

Contador Estadistiques