Xuega al fútbol con Los Berrones

Esti xueves, como diéremos anuncia n'Asturies.com, los inventores del agro-pop presentaben el so últimu videoclip, un trabayu videográficu fechu a partir del tema "Suañaba yo" ún de los que s'enxerten nel últimu discu del grupu, "República independiente de Tolivia". Esti domingu, por cortesía de la casa de discos Santo Grial, qu'asoleyó esti discu de Los Berrones, Asturies.com ufierta'l vídeu pa que los sos llectores puedan velu en casa.

El vídeu grabóse na mesma Tolivia, en conceyu Llaviana, y l'acción del mesmu sonsaña un partíu de fútbol nel que Ramón fai de Xugador, Olegario d'árbitrio y Tante Blanco d'empresariu futboleru. Les imáxenes del "partíu" mécense con otres d'una actuación en directo del grupu

Pa poder ver el vídeo, que se descarga dende esti enllaz, (encamentamos calcar col botón derechu del mur y escoyer "guardar como") ye preciso tener el Real Player One. Na páxina d'Asturies.com Radio hai enllaces directos y instrucciones pa facese con esti reproductor. Anque'l vídeo ta comprimíu a un tamañu aceptable, por razones de tamañu del archivu la desvarga pue tomar un tiempín.