Xuan Santori, Miguel Rojo, Xandru Fernández, Lourdes Álvarez y Marisa López, meyores escritores n'asturianu del 2006 pa la crítica del país

L'Asociación d'Escritores d'Asturies emitió ayeri'l resultáu de la II edición del Premiu de les Lletres Asturianes y la VIII edición de los Premios de la Crítica d'Asturies. Los autores Marta Portal y Ángel González foron los ganadores del II Premiu de les Lletres d'Asturies, mientres que los Premios de la Crítica, que s'otorguen a autores d'obra n'asturianu y en castellanu foi, na modalidá d'asturianu pa los escritores Xuan Santori Vázquez, ganador en Narrativa de non ficción en llingua asturiana, pola obra "La heredá" y Marisa López Diz, que ganó en lliteratura infantil y xuvenil pola obra "Poemes de carambelu". En columnismu lliterariu en llingua asturiana l'escritor Miguel Rojo mereció'l premiu pola columna "Igor in memoriam" mientres que Xandru Fernández pola obra "La banda sonora del paraísu" ganó la modalidá de narrativa en llingua asturiana, destacando'l xuráu "la capacidá y dominiu de la técnica narrativa pa crear realidaes paraleles dientro de la mesma novela". El premiu de poesía foi pa Lourdes Álvarez pola so obra "El son del tardíu".

Nos premios en castellanu, l'escritor Roberto Corte con "Travesía sobre nieve de Bagdad" foi'l meyor autor de teatru pa la crítica, que tamién repartió premios a Fernando Fonseca por "Pabellón de eternos" en Narrativa de non ficción, Gonzalo Moure en lliteratura infantil y xuvenil pola novela "En un bosque de hoja caduca", a Francisco Álvarez Velasco poles sos columnes periodístiques y a Ignacio del Valle en narrativa por "El tiempo de los emperadores extraños". El premiu de poesía foi pa Fernando Beltrán por "El Corazón no muere"