Xosé Lluis Campal presenta’l poemariu “Les güelgues”

L'autor de Llaviana Xosé Lluis Campal presenta esti martes nel aula abierta de la editorial Trabe, asitiada na cai Padre Ventura 4 d'Uviéu, el so poemariu "Les güelgues" una obra que l'autor define como más vitalista y esperanzador qu'otros trabayos anteriores. L'actu va tener llugar a les 19.30 hores.

Nacíu en Pola Llaviana nel añu 1965, Xosé Lluis Campal ye llicenciáu en Filoloxía Hispánica pola Universidá d'Uviéu. Profesor de Llingua y literatura y estudiosu de la obra d'Armando Palacio Valdés, sobre la que fexo la so tesina de llicenciatura, Campal tien escritos bien d'estudios sobre otros autores como'l mesmu Palacio Valdés o León Delestal, pero tamién tien obra poético propio, bien d'ello reconocío con premios de prestixu. Con un de los sos poemarios "El xardín tapiáu", llogró'l premiu «Vital Aza» del 1997, mientres que con "Memoria inconclusa del fueu" Campal ganó nel añu 1998 el premiu de poesía "Elvira Castañón"