Xornaes sobre mediu ambiente en Morcín

L'asociación mediuambiental "La cirigüeña" entama unes xornaes sobre conservación de la naturaleza na cordal del Aramu.

Dende'l 15 d'ochobre y a lo llargo de tol mes de payares, el colectivu mediuambiental "La Cirigüeña tien preparáu un programa d'actividaes pa esparder el conocimientu del mediu ambiente y los valores naturales de la cordelera del Aramu ente tola población d'estos llugares del centru d'Asturies. Les actividaes van desarrrollase les más d'elles en conceyu de Morcín, contando pa ello cola collaboración del Conceyu, que pon la sala d'actos de la casa conceyu, y inclúin dende travesíes andariegues pel monte guiaes por espertos xeólogos y botánicos hasta talleres d'actividaes pa rapacinos, pasando per conferencies y un miniciclu de cine que va presentar dellos títulos sobre naturaleza. Esperiencies como la del proyectu Pastores XXI, que pretende concasar actividá humana col caltenimientu de los valores naturales nel oriente d'Asturies o l'estáu de desarrollu de l'agricultura ecolóxica nel país van pasar per estes xornaes contando pa ello con ponentes especializaos.

Ver equí'l programa