Xornaes de lliteratura infantil en Piloña

L'Ayuntamientu de Piloña entama por segundu añu les Xornaes de
Lliteratura Infantil en Llingua Asturiana que se faen
nel Infiestu dende'l 24 al 31 d'ochobre, y qu'esti añu inclúin, ente otres, les siguientes actividaes:
Ente les actividades previstes hai esposiciones sobre ilustración de llibros pa neños, presentaciones de nuevos llibros infantiles y tamién talleres pa los rapacinos.Dientro del programa de les xornaes, el debuxante y escritor Quique Carballeira, conocíu pa los llectores d'Asturies.com poles sos collaboraciones, presenta a Sidronucu, un nuevu personaxe de la lliteratura infantil abondo rellacionáu col conceyu. Sidronucu ye un neñu de la prehistoria que vive na cueva del Sidrón, actualmente
baxo investigación y que cuenta con perimportantes afayos prehistóricos.

Les sos aventures desarróllense nel paisaxe virxe de l'Asturies
d'aquella dómina, onde sal a cazar col restu la so familia, cola diferiencia de que
cuando-y toca matar un animal, tira a fallar. La xente piensa que Sidronucu nunca sedrá nada na vida, pero lo que de verdá-y
gusta ye pintar nes paredes de la cueva.

Como presentación, l'Ayuntamientu de Piloña, espublizó una pequeña tirada
d'exemplares de la primer aventura de Sidronucu, entitulada "Un llugar
meyor", como catálogu de la esposición d'illustraciones sobre'l personaxe,
qu'estos díes se puede ver na sala polivalente de la Plaza Josefa
Canellada de L'Infiestu.

D'equí a dientro poco presentarase tamién una web dedicada al personaxe.L'escritor Miguel Rojo Martínez, que ta pa sacar dientro
poco con ediciones Ámbitu la aventura pa neños "Grillu y un bichu verde" ye'l responsable del argumentu la primer aventura de Sidronucu.