Xornaes d’Ornitoloxía en Xixón

La Coordinadora Ornitolóxica d'Asturies organiza la V Edición de los Alcuentros Ornitolóxicos d'Asturies, que van axuntar del vienres 16 al domingu 18 nel Antiguu Institutu Xovellanos de Xixón a a tolos aficionaos al mundu de les aves. El programa inclúi conferencies sobre páxaros de les races más distintes que puen alcontrase n'Asturies y sobre actividaes rellacionaes cola conservación de les aves como l'anillamientu, ello amás d'otres actividaes de tipu participativu como'l concursu "Alfredo Noval" d'idntificación d'especies al traviés de semeyes, el concursu de diapositives d'aficionaos ornitólogos o una visita a la reserva natural de la Ría de Villaviciosa. El plazu p'apuntase a estes xornaes sigue abiertu hasta prácticamente'l día enantes del entamu de les mesmes, pero por razones comprensibles, la organización pide que nun se retrase la inscripción hasta l'últimu momentu. El teléfonu de la orgnización ye'l 985 56 54 35 y tamién pue escribise un corréu electrónicu.


La Coodinadora Ornitolóxica d'Asturies tien más de 200 socios que ponen en común los sos conocimientos y capacidaes pa tar en contactu cola naturaleza d'una manera participativa, siendo la Coordinadora Ornitolóxica Asturiana una de les agrupaciones a nivel autonómicu con más socios en rellacion a la población de toa España. El compromisu social de los sos miembros viose claramente con motivu de la catástrofe del Prestige nel añu 2003, siendo gracies al esfuerzu voluntariu de los socios de la Coordinadora que se fizo un trabayu de rescate de páxaros de toles especies víctimes del galipote gracies al que se rescataron más de 2.000 páxaros.