Xornada de puertes abiertes n'Enernalón

Enernalón, ente que trabaya na investigación y implantación de les enerxíes non contaminantes, celebra güei na so sé de Ciañu la segunda xornada de puertes abiertes d'esti añu, dientro d'un programa que ta faciendo la fundación llangreana pa dase a conocer a la sociedá. El trabayu de la entidá que dirixe Manuel Ángel López llama cada vegada más l'atención lo mesmo que de particulares, y ello ye que, si l'añu pasáu foron 200 persones les que participaron nel primer díi de puertes abiertes, esti añu les dos xornaes que van faciéndose enllenaron les instalaciones d'Enernalón, que yá tien tamién segura la presencia na siguiente xornada del 13 de febreru la presencia de dellos institutos de bachilleratu y centros de FP. ´Quien tenga interés en concertar visita, pue facelo al través del web d'Enernalón, que va abrir pa les visites los díes 13 y 25 de febreru, 11 y 25 de marzu, 8 y 24 n'abril, 15 y 27 de mayu y el 12 de xunu.