Xixón, Uviéu y Avilés van tar coneutaos por autocares nocherniegos diarios en branu

|
Conseyu d'alminstración del CTA (25 de marzu del 2019)

Del 15 de xunetu al 31 d'agostu, amás de mientres les fiestes uvieínes de San Mateo.

El conseyu d'alministración del Consorciu de Tresportes (CTA) aprobó esta mañana l'aumentu de les conexones de los autocar nocherniegos en branu ente Xixón, Uviéu y Avilés. Asina, el serviciu va ampliase de vienres y sábadu a tolos díes mientres el mes d'agostu y la segunda quincena de xunetu.

Esta midida tamién va entamase en setiembre por mor de les fiestes de San Mateo. Otra manera, va ponese en marcha una llinia nocherniega que xune los conceyos de Riosa, La Ribera y Morcín con Uviéu tolos sábados del añu.

Cada hora al aeropuertu

Na reunión tamién se decidió reforciar el serviciu ente l'aerorpuertu y les ciudaes del área central dende'l comienzu de la Selmana Santa hasta'l final de branu. D'esta forma, los viaxeros de tolos vuelos que despeguen o aterricen dende les 6 de la mañana hasta les 00:00 hores –00.30 hores nel casu de la esistencia de salides o llegaes posteriores tengan autocar cada hora.

Amás, el CTA van poner en marcha próximamente, de manera esperimental, una serie de servicios esprés ente'l centru y les ales, con rutes direutes nueves nos exes de comunicación principales. Esta apuesta va aumentar les comunicaciones mientres la fin de selmana ente Cangas del Narcea y Uviéu, con un tiempu de viaxe estimáu en 90 minutos y enllaces pa que los conceyos de Miranda y Somiedu tengan otra opción más para desplazase hacia y dende Uviéu.

Tamién van ponese en marcha autocares direutos nuevos nel exe Ribadeo-A Veiga-Uviéu, con servicios desdoblaos y ensin paraes que van coneutar Uviéu y Navia. D'esti mou, el percorríu va vese acortáu hasta en 40 minutos les fines de selmana.

El consorcio va entender d'igual forma les demandes qu'esisten a esti respeuto impulsando un serviciu pilotu de fin de selmana ente Xixón y Cangues d'Onís ensin paraes hasta Les Arriondes, con una duración estimada d'una hora y 20 minutos. Les meyores tamién va alcanzar la cuenca'l Nalón, con un serviciu esprés, de llunes a vienres llaborables, entre La Pola Llaviana y Riañu de 10 paraes, frente les 36 habituales, polo que'l trayeutu va reducise a 30 minutos.

Na semeya, un momentu de la reunión del conseyu d'alministración d'esta mañana, presidíu por Fernando Lastra, conseyeru d'Infraestructures, Ordenación del Territoriu y Mediu Ambiente.

Contador Estadistiques