Xixón, Uviéu y Avilés acueyen los cursos d’Iniciativa pol Asturianu

|
Cartelu cursos d'Iniciativa pol Asturianu seronda 2018

Hasta’l 5 d’ochobre va tar abiertu’l plazu pa matriculase nos cursos de llingua asturiana d’Iniciativa pol Asturianu. Esta seronda van entamase en Xixón, Uviéu y Avilés, tanto de nivel 1 (inicial) como del 2, cola posibilidá de facelo tamién a distancia pela rede.

Los cursos presenciales seríen de llunes a xueves de 19 a 21 hores, destinándose los llunes y miércoles al nivel 1 y los martes y los xueves, al 2. Éstos tendríen un llargor de 36 hores ente’l 8 d’ochobre, primer día de clase, y el 14 d’avientu.

El nivel 1 o inicial ta empobináu a persones ensin conocimientos d’asturianu o con nivel baxu de conocencia y les persones que lu superen van recibir un diploma de l’Academia de la Llingua Asturiana, entidá reconocida pola Conseyería d’Educación y Cultura pa la formación del profesoráu. Mentes, el nivel 2 ta destináu a alumnes y alumnos que yá tengan conocimientos previos del idioma.

El preciu de la inscripción ye de 60 euros, de 50 pa los socios d’Iniciativa pol Asturianu), y inclúi tolos materiales necesarios pa llevar alantre’l cursu. Pa qu’éstos se desendolquen, ye necesario que se cubra un mínimu de places, cola posibilidá tamién da facelo en llinia.

Les inscripciones pueden facese nel corréu lletrónicu info@iniciativapolasturianu.org o nel teléfonu 675.977.751 vía llamada o per WhatsApp hasta’l 5 d’ochobre. Tamién pue formalizase de manera presencial na oficina asistiada na avenida Manuel Llaneza númberu 68 de Xixón hasta’l vienres n’horariu de 9 a 13.30 hores.

Contador Estadistiques