Xixón promociónase n'asturianu, gallegu, eusquera y castellanu

Rodrigo Cuevas protagoniza la campaña de turismu 'Xixón en toles ocasiones'.

"Ye playa y ye prau; ye de chigre y de mantel; ye l'horizonte cercanu; ye historia y vanguardia. ¡Ye mundial!" ye'l testu qu'acompaña a la voz del popular cantante nel videu promocional de Xixón qu'asoleyó esta tarde'l Conceyu. Una pieza audiovisual que tien versión en castellanu y tamién en gallegu y n'eusquera p'atrayer a turistes de los territorios más cercanos.

El "¡Ye mundial!" repítese en toles versiones, onde cambien namái los testos nos diferentes idiomes. El topónimu Xixón tien visibilidá en toos ellos xunto col lema 'Asturies con sal'.