El conceyal de Cultura de Xixón Justo Vilabrille, presentó ayeri nel Centru de Cultura Antiguu Institutu, el programa de los IV Alcuentros Fotográficos Xixón 2007, que van axuntar en Xixón a fotógrafos como Ricky Dávila o José Manuel Navia nun programa qu'inclúi un ciclu de conferencies sobre'l so trabayu y la fotografía, que van desarrollase nel Centru Municipal de l'Arena.
Al empar del ciclu de conferencies, va tener llugar un taller col títulu "Tres de la cámara: hacia un proyectu personal" que va facese del 15 al 18 d'esti mes , y va poder visitase nel mesmu centru de L'Arena una muestra del trabayu de la fotógrafa Pilar Pequeño entituláu "Bodegones y plantas" dende güei hasta'l 28 d'avientu. Toles conferencies van facese nel salón d'actos del Centru de l'Arena, a les 20.00 hores. Pilar Pequeño va falar el día 9, Óscar Molina el 16, Ricky Dávila el 23 y José Manuel Navia el 30 de payares.