Xixón, capital del imperiu romanu

La ciudá de Xixón recibe esti fin de selmana a investigadores especializaos n'Historia antigua con motivu de les xornaes sobre "Unidá y diversidá nel Arcu Atlánticu na dómina romana" y de la presentación del dvd sobre "Espacios d'ociu, convivencia y cultura nel Arcu Atlánticu: Los baños públicos como símbolu de la romanidá" Estes xornaes arqueolóxiques son ún de los actos más destacaos dientro del programa de collaboración, acoyíu a los proyectos Interreg de la UE qu'axunta a Xixón cola portuguesa Braga y la rexón inglesa del Tyne & Wear. Los tres llugares tienen en común el tener restos arqueolóxicos de termes y baños públicos que puen conocese, neto que los conteníos del congresu, nesti web especial. L'arqueóloga Carmen Ochoa, de la Universidá Complutense y que lleva les escavaciones de la villa de la Venta Veranes ye la presidenta d'esti congresu que va contar cola participación d'un cientu d'especialistes.