Xixón 104 - Canaries Telecom 77

Showtime!!!

Esti ye'l términu baloncestísticu que meyor define lo que foi la
primer metada del partíu contra'l Canarias. 30 puntos nel primer cuartu y
31 nel segundu, pa llegar al descansu con un marcador 61-38, dempués de
sacar ventayes de más de 30 puntos. Puru espectáculu, lo más paecío a
aquellos Lakers de Magic, Kareen y compañia, colos que munchos mos
aficionamos al baloncesto, que se vio en Xixón per munchos años.

Dempués d'un entamu malu (3-12 nel minutu 3), gracies al aciertu de
Morton, defendiu por Zigg, sobre'l que s'ensañaron los árbitros (3
personales más que riguroses casi seguíes que lu desquiciaron),
comenzó'l recital xixonés. El trunfu xixoné tuvo dos pegoyos: D'una parte, otra vez l'aciertu dende los tres puntos,
sobre too de Pedro Robles, al que la llegada de Zigg y la suplencia paez que
lu despertaron.D'otra, el gran error del entrenador del Canarias: Guillen nun
puede defender a Lou Rou ni tando esti coxu. Lou Roe fartose a anotar y
pa cuando-y quixeron cambiar el marcaxe, yera tarde, yá taba crecíu y con
ganes de demostrar que ye ún de los meyores xugadores de la ACB (escoyéronlu xugador
más valiosu d'esta xornada). Tamién sedría xusto resaltar el trabayu de
Javi Rodriguez, otre vez a un gran nivel, y del so sustitutu, Borja
Larragan.

Na segunda metada, el Xixón salió un pocu más relaxáu, llimitándose a
mantener la ventaya acumulada. Destacar la defensa de Pancreu sobre
Morton, qu'entamo frayándonos a triples y na segunda parte pasó
desapercibíu.

L'últimu cuartu recuperó un pocu'l ritmu y tuvo hasta un poco de
polémica: Espulsión de Esmorís, al que tamién abrasaron a faltes, col
cabréu correspondiente d'esti y la inevitable técnica (hasta ganando
de 28 los árbitros achuquinen al Xixón).

Al final, ovación hasta pa Corey Louis, nel que foi'l so últimu partíu,
ya que va sustituyilu Todd Fuller, xugador blancu de 2.10 m y 27
años y con esperiencia NBA que ya ta en Xixón. Fuller tendrá dos selmanes pa
integrase nel equipu (dos partíos fuera casa contra'l TAU y Real Madrid) y
tendrá que demostrar tolo que val nos tres partíos que vienen darréu d'estos,
decisivos na llucha pola permanencia (Breogán y Lobos en casa y Cáceres
fuera). Pues seguir el restu de la xornada n'ACB.com

Contador Estadistiques