Xixón va vivir esti martes los VIII Alcuentros de la Mocedá cola Llingua ‘Saca la llingua’

Cerca de 500 mozos y moces de los institutos de Xixón van vivir el martes una xornada especial alredor de la so llingua materna. ‘Saca la llingua’, actividá entamada pola Oficina Municipal de la Llingua, va tener como sede la Llaboral.
 
A les 9.30 hores ta previsto’l comienzu de los alcuentros, qu’años anteriores tuvieron como sede’l Teatru Xovellanos, el Xardín Botánicu Atlánticu o’l Muséu del Pueblu d’Asturies. Xuegos tradicionales, talleres de cocina, rap, rock, doblaxe, cómic, cuentacuentos y baille son dalgunes de les actividaes previstes nesta edición del ‘Saca la llingua’, iniciativa que tien como oxetivu averar l’asturianos a los mozos y moces de la ciudá d’una manera divertida; lloñe de les aules.
 
Una yimkana y la proyección de de dellos vidios n’asturianu fechos polos alumnos de los institutos participantes nos alcuentros van zarrar esta xornada lúdico-pedagóxica que va allargase tola mañana.