Xixón acueye esti xueves un alcuentru d’harpistes nel que va tar presente la bretona Morgane Le Cuff

El Muséu Casa Natal de Xovellanos va ser sede esti xueves d’un alcuentru d’harpistes. Nél va participar la bretona Morgane Le Cuff, de visita n’Asturies y Galicia, amás de los asturianos Dani García de la Cuesta y José Jaime Rubial.
 
L’harpista moza bretona, procedente del Conservatoriu de Rennes, ta trabayando nun proyeutu d’investigación de la música tradicional y la so adaptación a les harpes, motivu de la so presencia n’Asturies. Amás del so llabor investigador, Le Cuff tamién aprovecha la so estancia nel país pa ufrir la so música al públicu asturianu con un repertoriu basáu en melodíes tradicionales bretones y temes d’anguaño. L’alcuentru d’harpistes complétase cola presencia de García de la Cuesta y Rubial, que van interpretar delles melodíes del so repertoriu.
 
L’Asociación Cultural Esbilla y Juventudes Musicales de Xixón entamen esti conciertu que va principiar a les 19.30 hores. La entrada ye llibre.