Xerez 2 - Uviéu 1

Nel partíu del adiós, tanto por ser l'últimu d'esti añu como porque igual acaba siendo'l caberu del Uviéu SAD en viendo los problemes de perres del equipu, los xugadores tuviéronlo fácil pa enderechar un poco la situación salvando polo menos l'arguyu. Un penalti al cuartu d'hora tresformáu por Óscar Pérez, que-yos dio'l 0-1, y el xugar con superioridá numérica nun foron argumentos abondos pa que l'Uviéu recuperase un poco l'autoestima. Una segunda parte pa escaecer, con Nadj espulsáu y l'equipu faciendo agua per tolos llaos, sirvió pa que Mena fusilase dos veces la portería d'Esteban, que bien pudo tragar dalgún gol más.

Contador Estadistiques