Xera lleva'l tecno-folk al Trisquel de Xixón

Otru xueves y otra oportunidá pa ver les propuestes musicales
que surden per Asturies. Güei ye'l turnu de Xera nel Trisquel de
Xixón.



Na búsqueda de caminos pelos que tirar los músicos folk
tienen abondes posibilidaes, n'Asturies adulces van apaeciendo proyectos que
van apostando poles milenta posibilidaes qu'ufierta la música. Asina pel
camín del tecno-folk surde n'Asturies el proyectu de
Xera, un grupu de músicos que
mecen la música asturiana y los instrumentos acústicos como la
gaita, el vigulín o'l bouzouki coles programaciones y les bases de la
música electrónica.



El café Trisquel de Xixón ufiertanos la posibilidá
d'esfrutar de la música de Xera güei xueves 17. El conciertu va
entamar a eso de les 21:30 hores y la entrada, como ye costume
nel local de la cai
Marqués de San Esteban, ye de baldre.