Xeira entrega esti sábadu en Tapia'l so premiu de narraciones

Esti sábadu 18 de marzu va facese nel Salón d'Actos del Institutu de Tapia a les 8 de la tarde, l'actu d'entrega del "Premio Xeira de narracióis curtias" en gallego-asturianu, dotáu con 500 euros y que ganó nesta XV edición l'escritor uvieín Ricardo Saavedra Combarro cola obra "As partixas".

Filólogu de formación, Ricardo Saavedra Combarro tien una estrencha rellación familiar col conceyu de Bual, que foi lo que lu llevó a escribir na fala. Enantes d'esti premiu, yá recibiere recibiere dellos más de narrativa n'asturianu.

Como complementu al actu lliterario va presentase tamién la última novedá editorial de l'asociación Xeira, el llibru de narraciones "Cua lluz prendida", obra de la escritora d'El Franco M.ª José Fraga Suárez. El pieslle del actu van facelu dos grupos asturianos de folk acústicu, Tuenda y Dual, que tán presentando per Asturies los sos respectivos trabayos discográficos y que pa esta ocasión especial van facer un repertoriu basáu en temes de los conceyos eonaviegos.