XEGA acusa a un conceyal d'Uviéu d'homófobu polos calificativos que gastó con un conceyal de Xixón

El colectivu Xente Gai Astur (XEGA) manifestó la so "más enérxica protesta" ante les declaraciones del conceyal del PP d'Uviéu, Agustín Iglesias Cauneda, quien el martes utilizó'l calificativu de "maricomplejines" pa referise al conceyal de Xixón, José María López (PSOE).

XEGA acusó a Caunedo, per una nota de prensa recoyida por Europa Press, de recurrir al insultu "utilizando como mediu la homofobia", al facer alusión a una supuesta orientación sexual. De fechu, los responsables de XEGA dixeron que Caunedo mostró "gran probitú intelectual" y una "mala educación social".

"Pensamos que les declaraciones de Caunedo constituyen una falta de respetu y un insultu, polo qu'entendemos que'l PP y el so conceyal tendríen de refugar les mesmes públicamente si aspiren a un mínimu de credibilidá", señalaron dende XEGA. Na opinión de l'asociación, nun ye un fechu aisláu, ya que dende la Casa Conceyu d'Uviéu, gobernada pol PP, "nunca s'apoyó" a lesbianes, gais, transexuales y bisexuales.