Xabiero Cayarga ganó'l "Bilordios de Pinón"

Un de los de los concursos de cuentos más clásicos del país, el "Bilordios de Pinón" qu'entrega l'asociación de vecinos de la parroquia uvieina de San Esteban de Sograndio, foi esti añu pa Xabiero Cayarga pol so rellatu "Biforcos". Dotáu con 1.200 euros, el Bilordios de Pinón vien a engordar el curriculum del escritor nacíu en Cangues d'Onís, que tamién ganó esti añu'l concursu del Centru Asturianu de Madrid, y que tien a los sos pocos años un historial de premios y reconocimientos que pocos autores en llingua asturiana puen ufiertar, incluyendo galardones tan prestixosos como'l de narraciones de l’Academia de la Llingua Asturiana, que ganare nel 94 con "El boleru de Xabel"