WWF convoca a ciudadanos, instituciones y empreses a apagar les lluces per una hora

|

‘La hora del Planeta’ ye una iniciativa a nivel mundial convocada por WWF que pretende concienciar a la población pa lluchar contra’l cambiu climáticu. El coleutivu ecoloxista solicita a la ciudadanía qu’apague esti sábadu la lluz per una hora.
 
“A les 20:30 hores del sábadu 26 de marzo del 2011 –hora llocal de cada sitiu–, individuos, comunidaes, empreses y gobiernos de tol mundu van apagar les lluces per una hora trescendiendo toles barreres de relixón, cultura, sociedá, xeneración y llocalización xeográfica nuna cellebración global pol Planeta”, aseguren dende’l Fondu Mundial pola Naturaleza (WWF poles so sigles n’inglés’). D’esta forma, se pretende qu’l mundu llance “un mensaxe poderosu d’esperanza de lo que podemos llograr si actuamos xuntos”.
 
El proyeutu de ‘La hora del Planeta’ entamó en Sidney nel 2007, a iniciativa d’un periódicu llocal y WWF. 2,2 millones de persones participaron nesti primer apagón que foi creciendo añu tres añu. Yá nel 2008, collaboraron ciudadanos de 35 países y apagáronse per una hora construcciones emblemáticas como’l Golden Gate de San Francisco o’l Coliséu de Roma. Na edición del 2010, tomaron parte nesta iniciativa 128 países de tolos continentes pa simbolizar la llucha contra’l cambiu climáticu.

Contador Estadistiques