VOX presenta un recursu d'inconstitucionalidá contra'l cambiu del Reglamentu de la Xunta

|
José María Figaredo

"Supón una oficialización de facto del bable", considera'l diputáu asturianu nel Congresu de la formación José María Figaredo.

Ignacio Blanco yá lo anunciara nel Plenu que se desendolcó na mesma Selmana de les Lletres Asturianes, cuando Nuria Rodríguez, diputada de Podemos, entrugó al presidente Adrián Barbón n'asturianu y uso esti idioma na so intervención. Los dos diputaos de VOX colaron de la sala nesi momentu a mou de protesta.

Agora, acompañáu de Figaredo, confirmara'l recursu d'anticonstitucionalidá por parte del grupu de VOX nel Congresu pola modificación del Reglamentu de la Xunta Xeneral pa que los miembros del Gobiernu y cualquier persona qu'interviniera na Cámara pudiera facelo n'asturianu. "Supón una oficialización de facto del bable y se comienza a obligar a los asturianos a conocer el bable normalizáu”, apunta'l diputáu.

"Cuando s'utiliza nel Parllamentu, los que tamos escuchando nun lo entendemos; vulnérase'l derechu d'exercer la so función a los representantes de los ciudadanos n'igualdá de condiciones que'l restu. Y nun s'exerce una función n'igualdá de condiciones cuando nun entiendes lo que se te ta diciendo”, añadió Blanco.

Na imaxe, Figaredo. Semeya obra de Thomas Holbach baxo llicencia CC BY-SA 4.0.

Contador Estadistiques