Voluntarios na catástrofe

Aparte de conceyos grandes como Xixón, que tienen medios abondos pa enfrentar a la marea negra,lo cierto ye que nos más de los conceyos, los pocos medios qu'había dispuestos nun dan abastu col galipote que-yos ta llegando. Neto que en Galicia, el llabor voluntariu ye'l que ta sacando alantre la situación, y delles entidaes como la Coordinadora Ornitolóxica d'Asturies, que ta faciendo cola conseyería los llabores de recuperación de páxaros engalipotiaos, con centros de rescate de los páxaros n'Avilés (San Xuan de Nieva) y L.luarca, onde ta faciéndose cargu d'ellos el Cepesma.

Pa facese voluntariu, el calce oficial ye llamando al 112, pero les policíes municipales de cada conceyu son les que tan organizando los grupos locales.