Viuda de Angelón entama en redes un 'Diccionariu sonoru de la nuesa sidra'

El llagar navetu ellabora y difunde vídeos con pallabreru venceyáu a esta bébora.

El 'Diccionariu sonoru de la nuesa sidra' "busca dar a conocer la nuesa cultura y les nueses tradiciones" espliquen dende Viuda de Angelón, que yá asoleyó dos pieces. Na primera apaecen pallabres como brea, emportiellar y tarabica xunto a imáxenes identificatives y un testu cola so definición, emplegando siempre l'asturianu, la llingua na que s'espresa'l mundu de la sidra.

Güei espublizóse'l segundu videu, nel que s'incorporen los vocablos zutrona, chazu y recalcar. Un proyeutu bien prestosu que ta teniendo repercusión abondo en redes sociales.