Villaviciosa vive'l Festival Internacional de la Gaita

Conciertos y actuaciones de bandes de gaites.

Dende ayeri y hasta'l domingu Villaviciosa celebra'l X Festival Internacional de la Gaita, certame qu'entama la Banda Gaites Villaviciosa-El Gaitero. Nesta ocasión participen, amás de la formación llocal, la Banda de Gaitas de Zarréu (Degaña), la Banda Gaites LaKadarma (Nava), la Banda Gaites Conceyu de Llangréu, la Banda de Gaitas Castro Bergidum (El Bierzu), la Banda Gaites Camín de Fierro (Santu Adrianu), la Banda Gaites El Trubiecu (Villaviciosa) y la Banduca El Tingláu (Cantabria). L'actu central del festival va celebrase mañana, a les 19 hores, nel parque d'El Pelambre.

Amás d'otres actividaes, tamién va haber conciertos pela nueche n'El Pelambre. Asina, esta nueche, a partir de les 22 hores, va celebrase una Nueche en Danza cola participación de Tuenda. Pa mañana, a les 23.30 hores, ta prevista l'actuación de los bretones Sylvain Barou Trío y los asturianos Corquiéu y Skama la Rede.