Villaviciosa retiró la placa de Franco de la Casa Conceyu

Operarios del Ayuntamientu de Villaviciosa retiraron ayeri pela mañana, la placa asitiada na casa conceyu de Villaviciosa y que dende l'añu 1937 daba'l nome de "Plaza del Generalísimo" a esti sitiu del cogollu de la Villa. L'alcalde Manuel Busto (PAS-URAS) foi quien tomó esta decisión, que llega dempués de que l'anterior alcalde, Asensio Cobian, refugare delles mociones que pidíen la retirada de la placa.

Busto afirmó que nun recibió presiones d'otres alministraciones y que, de momentu, la retirada nun causó rocea colos conceyales del PP.

Agora toca da-y oficialmente otru nome a la que se conoz popularmente como "Plaza'l Güevu", un nome que nun-y presta a l'alcalde, qu'adelantó que se trabaya cola posibilidá de poné-y plaza Pidal n'honor a Pedro José Pidal, marqués de Pidal, nacíu en Villaviciosa nel 1799, y que yera'l que tenía hasta que nel1931 pasó a ser la Plaza de la República.