Villaverde releva a Llamedo al frente de l'Axencia de Cooperación

|
Francisco José Villaverde

La secretaria d'Organización de la FSA pasa a ocupar el cargu de xefa de gabinete de la delegada del Gobiernu estatal n'Asturies.

Francisco José Villaverde Suárez sustitúi a Gimena Llamedo como direutor de l'Axencia Asturiana de Cooperación al Desarrollu, cargu qu'ocupaba dende'l 2014. Nacíu en Posada (Llanes) nel 1956, esti graduáu en Xestión y Alministración Pública pola Universidá d'Uviéu foi conceyal del PSOE en Xixón ente'l 1979 y el 1987, y diputáu del grupu parllamentariu socialista na Xunta Xeneral dende'l 1999 al 2003, amás de direutor xerente de la empresa pública Sociedá de Servicios del Principáu d'Asturies (Serpa) del 2003 al 2011 y ex secretariu xeneral del PSOE xixonés.

Anguaño desendolcaba la so actividá profesional nuna empresa d'inxeniería, consultoría y prevención de riesgos llaborales. D'esta forma la FSA cubre'l güecu dexáu por Llamedo nesta axencia venceyada a la Conseyería de Presidencia y Participación Ciudadana al marchar al gabinete de Delia Losa, que tomó posesión del so cargu nuevu'l llunes.

 

Contador Estadistiques