Vida pal Muséu del Pueblu d'Asturies

L'Ayuntamientu de Xixón entama a da-yos un usu lúdicu a les instalaciones acabante de remocicar del Muséu del Pueblu d'Asturies.

"El 20 de xunetu entama una nueva etapa nel Muséu del Pueblu d'Asturies". Asina lo declara la Conceyala d'Educación, Pueblu d'Asturies y Promoción del Asturianu Carmen Rúa, que convida a participar esti domingu 20 na folixa popular que va facese en Muséu, onde van ponese d'agora en p'alantre tolos domingos xuegos, talleres y folclor tradicional, too ello nun día en que la entrada al Muséu va ser de baldre. La folixa entama a les 11

Esta mesma selmana inaugurárense les instalaciones remocicaes del Muséu, qu'enanchó en 2.000 metros cuadraos la so superficie espositiva cola reapertura del pabellón asturianu que se truxere en 1994 tres de representar a Asturies na Exposición Universal de Sevilla. la esposición "Los asturianos ena cocina. La vida doméstica n'Asturies 1800-1965" ye'l títulu de la esposición cola que se volvió a abrir esti pabellón.

Tres d'inaugurase en 1968 graciesa la iniciativa d'un garapiellu d'asturianistes con Luis Argüelles a la cabeza, el muséu ye güei una realidá de 32.000 metros cuadrados qu'enxerten tamién el Muséu de la Gaita, l'archivu de la tradición oral y de la música tradicional asturiana ena casa de los González de la Vega, la fototeca de la Casona de los Valdés y los pabellones d'aperios y medios de tresporte o la reconstrucción d'una casa mariñana.