Victories nel deporte asturianu, anque malos resultaos nel fútbol

|

El deporte asturianu tuvo dos importantes victories esti fin de selmana. El corredor Fernando González Rodríguez ganó la carrera de 100 milles del Himalaya y l’equipu d'h.oquei Biesca venció 4-0 en Cataluña.

El corredor xixonés Fernando González Rodríguez, del club Avientu Helly Hansen, ganó esti vienres la carrera “Himalayan 100 Mile Stage Race”, considerada la carrera de montaña más espectacular del mundu.

L’asturianu percorrió esta prueba de 160 kilómetros, asitiada ente la India y Nel, en 16 hores y 23 minutos, lo que-y dio’l trunfu na competición con 33 minutos de diferencia.

Tamién hubo victoria nel h.oquei. L’equipu del xixonés barriu de La Calzada, el Biesca, algamó’l trunfu nel so pasu per Cataluña. Nun partíu contra’l Sant Cugat, les xugadores femenines del Biesca golearon con 0-4 al equipu local.

Malos resultaos nel fútbol

L’empate del Sporting de Xixón y la derrota del Real Uviéu dexen mal sabor de boca na última xornada futbolera d’ochobre. Too apuntaba a que’l Sporting diba sumar trés puntos gracies al gol de penalti de Diego Castro nel minutu 68; sicasí, el Villareal empató nel descuentu gracies a otru gol de penalti marcáu por Rossi.

Tampoco hubo suerte pal equipu de la capital. El Real Uviéu entamaba con bon camín gracies a un gol marcáu nel minutu 10. Pero, nel minutu 20 y 29, dos tantos del Alavés, marcaos por l’ex uviedista Geni, fixeron que’l Uviéu nun pudiera algamar una nueva victoria consecutiva.

Tamién en 2-B perdió’l Caudal contra’l Gimnástica y empató a ceros el Sporting-B contra’l Lemona.
 

Contador Estadistiques