Verbos semeyos, significaos distintos

El profesor Ramón d'Andrés ofreznos esta selmana na so sección Bilordios Filolóxicos dedicada a encuriosar l'emplegu que se fai del idioma, la segunda parte de la llista qu'entamare la otra selmana de pallabres semeyantes n'escritura y pronunciación pero que tienen significaos distintos y que muncha xente suel tracamundiar. Si na primer entrega se centraba más en sustantivos, esta segunda que remata la miniserie presenta'l casu de dellos verbos bien fáciles de confundir.