Venticuatro fabaes van competir por ser la meyor del mundu

Ventiún chigres d'Asturies y trés de Madrid, Toledo y Monforte de Lemos lleguen a la final del popular concursu maliayu.

Tres delles selmanas prebando más de 80 fabaes y analizando la cremosidá de la faba, la calidá del compangu y el saborgu del platu estrella de la nuesa cocina, yá se conocen los restoranes que pasen a la final de 'La mejor fabada del Mundo', concursu qu'entama'l Conceyu de Villaviciosa y la empresa Gustatio, y que yá llega a la so sesta edición. D'elles ventiún son asturianes, tres haber un empate, y trés son creaciones de chigres de fuera del país que participaron na estaya estatal del certame.

La final va celebrase'l 5 d'abril en Villaviciosa cola participación de los establecimientos siguientes: Casa De Comidas Chema (Puerto), Castru Gaiteru (Celoriu), Bar Camacho (Anieves), Vista Alegre (Colunga), Ca´l Xabú (Cuergo), Casa Narciandi (Altu La Madera), Sidrería Paco (La Pola Siero), Casa Telva (Valdesoto), De Labra (Uviéu), El Cenador De Los Canónigos (Cangues d'Onís), El Cubero (Xixón), El Molín De La Pedrera (Cangues d'Onís), El Tendejón de Fernando (L'Escampleru), El Veleru (Xixón), El Verano (Argüeru), La Gitana (Xixón), La Consistorial (Mieres), La Pongueta (Uviéu), La Sauceda (Buelles), La Vizcaína Casa de Comidas (Uviéu) y Michem (Villabona), amás de Casa Hortensia (Madrid), Casa Zapico (Toledo) y Bar La Plaza (Monforte de Lemos).

Los ganadores n'ediciones anteriores foron siempre asturianos, tando'l palmarés conformáu por Casa de Comidas Chema (2011), El Moreno (El Puntal, 2012), El Llar de Viri (San Román, 2013), Sidrería Bedriñana (Villaviciosa, 2014) y Los Pomares (Xixón, 2015).